Капитрон банк Сэлэнгэ аймгийн Сайхан сумын малчдад тусламж үзүүллээ 2017 оны 02 сарын 23

news image

Монгол орны эдийн засгийн гол тулгуур болсон мал аж ахуйн салбарт үүсэж болох эрсдэлээс урьдчилан сэргийлэх, байгаль, цаг уурын бэрхшээлийг хохирол багатай даван туулахад дэмжлэг үзүүлэх зорилгоор Хүнс, хөдөө аж ахуй, хөнгөн үйлдвэрийн Сайдын санаачлагаар, “Малчдад туслах сайн санааны аян”-ыг орон даяар эхлүүлсэн.

Тэгвэл Капитрон банкны ажилтнууд тус аянд нэгдэн, малчдад туслахаар сайн дураараа хандивын үйл ажиллагааг зохион байгуулж, нэг сая төгрөгийг цуглуулсан юм. Үүнээс 170 орчим шуудай хивэг, малын тэжээлийг авч, энэ жил өвөлжилт хүнд байгаа, мөн мал төллөх үеэр цаг агаарын хүндрэл бэрхшээлтэй байнга тулгарч байдаг Сэлэнгэ аймгийн Сайхан сумын III баг буюу Номгон тосгоныг сонгож, тус сумын 170 гаруй малчин өрхөд тусламж хүргэлээ.

Энэхүү үйл ажиллагаанд Капитрон банкны хамт олныг төлөөлөн “Дархан” салбарын захирал Б.Байгаль, “Номгон” тооцооны төвийн эрхлэгч Н.Уламбаяр болон Сэлэнгэ аймгийн Сайхан сумын засаг дарга О.Буянаа, Сайхан сумын ИТХ-ын дарга Л.Ганбаатар, III багийн засаг дарга Э.Батсүх нар оролцож, малчин тус бүрт нэг шуудай хивгийг хүлээлгэн өгсөн юм

Цаг агаарын давагдашгүй хүчин зүйлээс урьтаж, цаг алдалгүй тусламж үзүүлж, буянт мал сүргээ хамгаалах энэхүү санаачлагыг дэмжин ажилласан Капитрон банкны хамт олонд Сэлэнгэ аймгийн удирдлагууд болон Сайхан сумын нийт малчдын зүгээс баярлаж талархснаа үйл ажиллагааны үеэр илэрхийлж байлаа.

Капитрон банкны хамт олны зүгээс "Тэнхлүүн явахад тэмээгээр тусалснаас тэвдэж явахад тэвнээр тусал" гэсэн ардын сургамжит үгийг санан, малчин түмэндээ урам зориг өгч, тэдний хөдөлмөр хичээл зүтгэлд бага ч гэсэн өөрсдийн хувь нэмрийг оруулсандаа баяртай байгаа бөгөөд харилцагч, хамтран ажиллагч байгууллагуудаа малчдаа дэмжих энэхүү аянд нэгдэн идэвхитэй оролцоорой хэмээн уриалж байна.


Бусад мэдээ

image

Капитрон банк “Монгол улсын санхүүгийн зах зээл, хөгжлийн гарц” сэдэвт эрдэм шинжилгээний бага хурлын ивээн тэтгэгчээр ажиллаж байна

Санхүү эдийн засгийн их сургуулийн Санхүүгийн Удирдлагын Тэнхимийн 25 жилийн ойн нэрэмжит “Монгол улсын санхүүгийн за&

image

Капитрон банк дуучин Б.Баярцэцэгийн “Нежность” театр тоглолтон дээр хамтран ажиллаж байна

Капитрон банк нь Монгол Улсын Соёлын тэргүүний ажилтан, дуучин Б.Баярцэцэгийн уран бүтээлийн төслүүдийг дэмжин хамтран ажилладаг билээ.&

image

Капитрон банкны шигшээ баг “Эмэгтэйчүүдийн сагсанбөмбөгийн Улсын аварга шалгаруулах тэмцээн”-ий Хүрэл медалийн эзэд боллоо

  • Биднийг дагаарай:

Зохиогчийн эрхийг хуулиар хамгаалсан. © 2018 oн. Капитрон Банк