Капитрон банкны ивээн тэтгэдэг "Атлетик 220" клуб Үндэсний дээд лигийн аврага боллоо 2020 оны 09 сарын 28

news image

Монголын Хөлбөмбөгийн Холбооны “Үндэсний дээд лиг” өнгөрсөн долоо хоногийн Ням гаригт өндөрлөж, шилдгүүдээ тодрууллаа.

Энэ жилийн Үндэсний дээд лиг Коронавирус цар тахлын халдвар, хамгааллын дэглэмийг сахин хөлбөмбөгийн ногоон талбайд үзэгч хөгжөөн дэмжигчгүйгээр тодорхой хугацаанд хязгаарлалттай зохион байгуулагдсаны зэрэгцээ дээд лигийн 10 багт гадны улс орны легионер тоглогчгүй, Монгол залуус өрсөлдөж, сүүлийн тойрогт хэн нь ч медаль дээр буух магадлалтай сонирхолтой тоглолт, дахин давтагдашгүй гоолууд гээд шинэ содон, онцлог зүйлсээр дүүрэн байсан юм.

2020 оны Үндэсний дээд лигийн Аваргын алтан медалийг “Атлетик 220” клуб хүртэж, “Эф Си Улаанбаатар” мөнгөн медаль, “Хангарьд” хүрэл медалийн эзэд боллоо. Мөн өөрийн багтаа амжилт авчрахад онцгой гавьяа байгуулсан “Атлетик 220” клубын довтлогч Н.Наранболд лигийн “Шилдэг мэргэн бууч”, хаалгач Э.Мөнх-Эрдэнэ “Шилдэг хаалгач”-аар тодорлоо.

Үндэсний дээд лигт дэвшин орсон жилдээ хүрэл медал хүртэж байсан тус клубын Ерөнхий ивээн тэтгэгч байгууллагаар Капитрон банк ажилладаг. Багийн спорт, тэр дундаа хөлбөмбөгийн спорт өөрөө ивээн тэтгэгчтэй байхыг шаарддаг спорт. Клубууд ивээн тэтгэгчтэй байснаар биеэ дааж, санхүүгийн хувьд найдвартай, тогтвортой болохын зэрэгцээ тамирчид нь нийгмийн асуудалдаа санаа зовохгүй тэмцээндээ анхаарч, энэ нь багийг амжилтанд хүргэхэд томоохон хөшүүрэг болдог.

Спортын клуб, бизнесийн байгууллага хоёрын хамтын ажиллагааны үлгэр жишээ болсон “Атлетик 220” клуб, Капитрон банк 4 дэх жилдээ хамтран ажиллаж байгаа бөгөөд хүүхэд залуусыг их спортод уриалан дуудаж, тэдэнд эрүүл амьдралын хэмнэлийг сурталчлан, нийгэмд эерэг үлгэр жишээ үзүүлэн хөлбөмбөгийн спортоор хичээллэх хүүхэд залуусын хүсэл мөрөөдөлд гэрэл гэгээг нэмсээр байна.

“Атлетик 220” клубын тоглогчид, клубын удирдлагууд, фанатуудад баяр хүргэхийн ялдамд Монголын хөлбөмбөгийг дэмжиж байдаг нийт клубууд, байгууллагууд, спорт сонирхогчид, хөгжөөн дэмжигчиддээ өндөр амжилт хүсье!

Капитрон банк - Ухаалаг ирээдүйн зүгт


Бусад мэдээ

image

Капитрон банк Дэлхийн хуримтлалын өдөрт зориулан хадгаламжийн эрхийн бичиг гаргалаа

Таван мянган /5000₮/ төгрөгийн нэрлэсэн үнэ бүхий эрхийн бичгийг хүссэн тоогоороо Капитрон банкны салбар нэгжээс авч, дотн&

image

Капитрон банк, Хөүм Моргейж корпорейшн, Сэндли аппликейшнтэй хамтран ажиллах санамж бичгийг үзэглэлээ

Капитрон банк гадны улс орнуудад ажиллаж, амьдраж байгаа Монголчуудад эх орондоо орон сууц худалдан авахад зориулсан зээ

image

Залилангийн и-мэйлээс сэргийлэх зөвлөмж

  • Биднийг дагаарай:

Зохиогчийн эрхийг хуулиар хамгаалсан. © 2020 oн. Капитрон Банк