Капитрон банк “Өмнөговийн хөгжил - Бидний ирээдүй” гар зургийн уралдааныг зохион байгууллаа 2017 оны 11 сарын 06

news image

Капитрон банк Өмнөговь аймгийн авьяаслаг, бүтээлч хүүхэд багачуудынхаа дунд “Өмнөговийн хөгжил - бидний ирээдүй” гар зургийн уралдааныг аймгийн нийт 28 цэцэрлэгийн 4-5 настай хүүхдүүдийн дунд зарлаж, шалгарсан бүтээлээр үзэсгэлэн гаргасан билээ.

Орон нутаг, хүрээлэн буй орчинд тулгамдаж буй асуудлыг хүүхдийн нүдээр олж харах, тэдний хүсэл, мөрөөдлийг нээн илрүүлэх, орон нутгийн хөгжлийн чиглэлд бяцхан иргэдийн хүсэл, эрмэлзлийг бодитоор тусган оруулах зорилготойгоор зохион байгуулагдсан энэхүү зургийн уралдаанд Даланзадгад, Цогт-Овоо, Ханбогд, Гурван тэс, Ханхонгор, Баяндалай, Хүрмэн, Булган, Цогтцэций зэрэг сумаас 70 орчим бүтээл ирсэн.

Дээрх бүтээлүүдээс Өмнөговь аймгийн Боловсрол, соёл, урлагийн газрын мэргэжилтнүүдээс бүрдсэн баг шүүж, шинэ санаа, сэдэл бүхий 37 шилдэг бүтээлийг шалгаруулсан бөгөөд Даланзадгад сумын 24 дүгээр цэцэрлэг дээр үзэсгэлэнг гаргаж, авьяаслаг хүүхэд багачуудынхаа бүтээлүүдийг нийтэд хүргэлээ.

1 дүгээр байранд Даланзадгад сумын 2-р цэцэрлэгийн Ч.Аминзул,

2 дугаар байранд Даланзадгад сумын 4-р цэцэрлэгийн Э.Тунгалаглянхуа,

3 дугаар байранд Гурван-Тэс сумын 3-р цэцэрлэгийн У.Анар-Эрдэнэ нар тус тус шалгарч, Капитрон банкны 50,000-100,000 төгрөгийн дүнтэй “Эрхий мэргэн” хүүхдийн хадгаламж, гарын бэлгийн эзэд болсон юм.

Үзэсгэлэнгийн хаалтын үйл ажиллагаанд БСУГ-ын дарга Г.Бат-Эрдэнэ, Капитрон банкны Өмнөговь салбарын захирал С.Мятавдорж, БСУГ-ын мэргэжилтэн Б.Отгондүү, Н.Баярбаатар зэрэг албаны хүмүүс оролцож, авьяаслаг багачууддаа шагналыг гардуулан өгч, амжилт хүслээ. Мөн түүнчлэн тус үйл ажиллагаанд авьяаслаг багачуудын маань ээж аавууд хүрэлцэн ирснээс гадна Өмнөговь аймгийн Улсын тэргүүний 24 дүгээр цэцэрлэгийн бяцхан жаалууд өөрсдийн ая дуугаа өргөлөө.

Сум, орон нутгийн 2018 оны нийгэм, эдийн засгийн бодлогын үндсэн чиглэлд бяцхан иргэдийн хүсэл мөрөөдлийг бодитоор тусгуулахаар, шалгарсан 37 бүтээлийг албан хүсэлтийн хамт Даланзадгад хотын захирагч Т.Алтансүхэд Өмнөговь салбарын захирал С.Мятавдорж хүлээлгэн өгсөн юм. 

Капитрон банк-Ухаалаг ирээдүйн зүгт


Бусад мэдээ

image

Капитрон банкны “Долоо хоног бүр нэг саятан” хөтөлбөрийн хоёр дахь азтан тодорлоо

Капитрон банкны 16 жилийн ойн баярын хүрээнд зохион байгуулагдаж байгаа “Долоо хоног бүр нэг саятан” картын урамшуу&

image

Капитрон банк Өмнөговь аймгийн Ханбогд суманд шинэ тооцооны төвөө нээлээ

Капитрон банк нь Монголын банкны салбарт 16 дахь жилдээ тогтвортой үйл ажиллагаа явуулж байгаа Монголын 100 хувийн хөрөнгө оруулалтай банк

image

Капитрон банкны “Долоо хоног бүр нэг саятан” аяны эхний азтан тодорлоо

  • Биднийг дагаарай:

Зохиогчийн эрхийг хуулиар хамгаалсан. © 2017 oн. Капитрон Банк