Капитрон банк Улаанбаатар хотын футзалын аварга шалгаруулах тэмцээний аварга баг боллоо 2018 оны 11 сарын 02

news image

Аж ахуйн нэгж байгууллагуудын дунд зохион байгуулагддаг Нийслэлийн аварга шалгаруулах Футзалын тэмцээн Монголын Хөлбөмбөгийн Холбооны Футзалын ордонд 2018.10.27, 28-ны өдрүүдэд амжилттай болж өнгөрлөө.

Энэхүү тэмцээнд нийт 12 байгууллагын 120 гаруй залуучууд оролцож, хурд хүч, авхаалж самбаагаа сорин өрсөлдөж, шилдгүүдээ тодрууллаа.

Нийслэлийн футзалын аварга шалгаруулах тэмцээний “аварга” багаар КАПИТРОН БАНК тодорч, шилжин явах цомын эзэд боллоо.

МХБХ-ны нийтийн хөлбөмбөгийн жилийн хүрээнд “Сэлэнгэпресс” хөлбөмбөгийн клуб, “Их Талын Дуулиан” ТББ-аас хамтран зохион байгуулсан энэхүү тэмцээний үр дүнг танилцуулбал,

I байранд Капитрон банк /Алтан медаль, цом, мөнгөн шагнал/

II байранд NCD групп /Мөнгөн медаль, өргөмжлөл, мөнгөн шагнал /

III байранд Голомт банк /Хүрэл медаль, өргөмжлөл, мөнгөн шагнал / тус тус хүртжээ.

Капитрон банкны баг нь 2018 оны 9 дүгээр сард зохион байгуулагдсан банкны салбарын хамгийн том тэмцээнүүдийн нэг “Бид Банкир 2018” банк хоорондын хөлбөмбөгийн аварга шалгаруулах тэмцээний аварга багаар тодорч байсан “шинэхэн” аварга баг бөгөөд энэ удаагийн тэмцээнд мөн амжилттай ололцож, шилдгүүдийг түүчээллээ.

Капитрон банкны хувьд биеийн тамир, спортыг хөгжүүлэх талаар төрөөс баримтлах бодлогыг дэмжиж, хүүхэд залуусыг эрүүл чийрэг, зөв зорилготой хүн болгон төлөвшүүлэх, Монголын хөлбөмбөгийн спортыг хөгжүүлэх үйлсэд өөрийн хувь нэмрээ оруулан ажилладаг. Тухайлбал, Үндэсний дээд лигийн “Атлетик 220” хөлбөмбөгийн клубын Ерөнхий ивээн тэтгэгч, Ерөнхий боловсролын сургуулиудын дунд зохиогддог “Дуулиан 2020” заалны хөлбөмбөгийн тэмцээний ивээн тэтгэгчээр ажиллахын зэрэгцээ банкны “спортлог” ажилтан залуусыгаа үргэлж дэмжин ажилласаар ирсэн.

Тэмцээнд амжилттай оролцсон нийт тамирчиддаа баяр хүргэхийн хамт цаашдын тэмцээн уралдаанд өндөр амжилт хүсье !

Капитрон банк – Ухаалаг ирээдүйн зүгт


Бусад мэдээ

image

Капитрон банк “Дэлхийн хуримтлалын өдөр”-ийг бяцхан харилцагчидтайгаа хамтдаа тэмдэглэн өнгөрүүллээ

"Дэлхийн хуримтлалын өдөр"-ийн нэгдсэн арга хэмжээ хүүхэд багачуудын дуу хуурын өргөө болсон Монголын Хүүхдийн Ордо

image

Капитрон банк “Дэлхийн хуримтлалын өдөр”-ийн урамшуулалт хөтөлбөрөө хүргэж байна

1924 оны 10 дугаар сарын 31-ний өдөр Италийн Милан хотноо зохион байгуулагдсан Олон улсын Хадгаламжийн банкны 1 дүгээр чуулга&

image

Капитрон банк БНХАУ-ын Өвөр Монголын банктай гадаад худалдааны санхүүжилтийн гэрээ байгууллаа

  • Биднийг дагаарай:

Зохиогчийн эрхийг хуулиар хамгаалсан. © 2018 oн. Капитрон Банк